آي مردومان مرا بيگيد دونيا به كي وفا بوكود           كي امرا رفيق بوبو كي آخر جفا نوكود
آدم اونه كي ديل خوش به ا دونيا نوكود           از همه دست بكشه طاعت خودا بوكود


پير مردا بيده بوم فشكسته بو كماني           جنازه به دوش بيگيفته بو همچو شير ژياني
بوگفتم اي پير مرد ا دونيايه كي ميره و كي مانه           بوگفت ا دونيا پوچه شاه به جهان باقي نمانه

شرفشاه دولايي

غم دونيايه نوخور هيشكي وفادار نيه           جز بد و خوب تو هيشكي تي مرا يار نيه
ا شب و روز ديني كي گوذره از تي نظر          عمر بيچاره بوشو هيشكي خبردار نيه
به تي ا حسن وجواني اتو مغرور نبو         كي قشنگي و جواني كسه پادار نيه
ا گول و سبزهء صحرايي ترا مستا كونه         بس زمستان فارسه د گولي در كار نيه
كي ويجا وستي بشم شكوه كي ره وا بوكونم         من دانم هيشكي در ا دوره وفادار نيه

سيد يعقوب باقري

اما جنگل خوسيم ببريم پلنگيم         ايتا زخم مرا هرگز نلنگيم
تانيم تي سرپور امرا برار جان         هيزار تا دوشمن امرا بجنگيم


من و تو جه دو تا پئر و دو تا مار         ايتا رايا دوويمي با دو صد بار
جه هم دوريم كرا مرداندريمي          ايتا كارخانه جا ايتا بجاركار

ابراهيم پگاه

صفحه جور