زبان فارسي و
ايرانا اما دوست داريم.ايران امي وطنه وايتا بدنا مانه كي
آذربايجان واصفهان وبلوچستان و كرمان وكوردستان وفارس و گيلان اون اعضاييدي.هركودام از ا عضوانا آسيب بزنيم ايران نقص عضو پيدا كونه
گيلان چيسه؟كويا ايسا؟ و امي وطن ميان چي جايگاهي داره؟
گيلان تشکيل بوبسته از سرزمين و جغرافيا وطبيعت خاص گيلان بعلاويۀ مردوم گيلان با تاريخ وفرهنگ خاص خودشان وتاريخ وفرهنگ موشتركي كي ايران امرا داريدي
فرهنگ تشكيل بوبسته از اعتقادات و آداب و رسوم و نحوه ي زندگي كودن مردوم واشن كسب و كار و رفتار و روابط و عادات و حساسيتان كي تمامي اشن بنا بوبسته بر زبان كي وسيله ي رابطه برقرار كودن مردوم همديگرامرایه
زبان و كلام اونقذر موهمه كي خوداوند خو پيغمبر معجزه يا كلام قرار بدا وقورآن ميان تاكيد بوكوده كي آدمانا به شكلان و اقوام موتفاوت خلق بوكوده تا هركس و هر قومي خو هويت امرا بشناخته ببه
.
شومان به هر جاي ايران سفر بوكونيد دينيدي اويا آدمان به زبان يا لهجه ي خودشان حرف زنيدي. هر منطقه مردوما خودشان فرهنگ و زبان امرا شناسيدي, هركسم كي به گيلان آيه اينتظار داره ايا گيلاني و گيلك امرا روبرو ببه, اما ايه دينه همه فارسي حرف زيندريدي.
به نظر شومان امي ره افت ناره كي اما امي كيلك بونه قايما كونيم؟
مگر چي اتفاقي دكفته كي تقيه كودندريم؟
تقيه ي كيلك بون اونم گيلان ميان؟!
مگرگيلكان چي از امي هم وطنان كم داريدي کي از خوشان گيلك بستن احساس حقارت كونيدي و خجالت كشيدي؟
اما گيلان به دونيا باموييم, هيا بوزرگا بستيم , امي زبان مادري هم نه فارسيه نه توركيه نه بلوچيه نه لريه نه توركمنيه نه كوردي, بلكي
گيلكيه
